Зашто по благодат сте спасени, преку вера, и тоа не е од вас самите - тоа е Божји дар! Не е од делата, за да не се фали некој. (Ефешаните 2:8-9 - Стандарден Превод)
Во помладите години, кога работев во мисија за младите, една од моите главни обврски беше да предавам веронаука во државните средни училишта во Аделаида, главниот град на државата Јужна Австралија.
На почетокот на секоја учебна година на таблата со големи букви ќе напишев: „Мразам религија!“
„Човеку, на овој час ќе те застрелаат поради тоа!“, извика еднаш еден ученик во вчудовидување.
„Ама, јас сум навлечен на вистинското христијанство“, му одговорив.
„Па, што е разликата?“, ме прашаа неколкумина.
„Дозволете да објаснам. Вистина, христијанството се смeта за религија, но всушност е коренито поразлично од религиите создадени од човекот.
Според Вебстеровиот речник „New World“ зборот „религија“ доаѓа од латинското „religare“ („re“ значи „повторно“, а „ligare“ значи „да врзеш“). Со други зборови, „религија“ значи „повторно да врзеш“.
Во реална смисла, религијата е „назад кон ропство“, а тоа се однесува на речиси сите, до последната, религии создадени од човекот... Најголемиот дел од нив го ставаат човекот во ропство на екстремни легалистички правила и регулативи со многу малку или никакви лични слободи.
Од друг агол анализирано, религијата (таа создадена од човекот) е потрага на човекот по Бог преку патишта создадени од човекот, како што се добри дела или почитување на одредени правила, ритуали и регулативи.
Од друга страна пак, вистинското христијанство е потрага на Бог по загубеното човештво преку жртвување на Неговиот Син Исус, Којшто дошол на Земјата како бебе и умрел на грозоморниот римски крст за да ја плати казната за гревовите - твоите и моите!
Автентичното христијанство, повеќе од сѐ друго на светот, му дало на човештвото слобода. Само споредете го исламот со христијанството и имајте на ум дека исламот е религија основана од Мухамед, додека христијанството е основано од Исус, Синот на Живиот Бог.
Нашиот грев нѐ раздвојува од Светиот Бог, па поради тоа е невозможно човештвото да се спаси себеси. Сите негови напори да измисли свои патишта до Бог се осудени на пропаст.
Можеме да Го најдеме и да Го запознаеме Бог само ако одиме по Неговиот пат; а тој всушност претставува верување дека Исус Христос е Божјиот Син и дека умрел за да нѐ спаси од нашите гревови и катастрофалните последици на гревот, коишто се вечна раздвоеност од Светиот и Правичен Бог“.
Исус вели: „Јас Сум Патот, Вистината и Животот. Никој не доаѓа кај Таткото, освен преку Мене.“ (Јован 14:6 - Стандарден Превод).
Молитва којашто сега би можел/а да Му ја упатиш на Бог:
Драг Боже, Ти благодарам што толку го сакаше светот (мене) за да Го дадеш Својот Син Исус Христос да умре на крстот и да ја плати казната за сите мои гревови, за да може јас да добијам прошка од Тебе без да ми бараш каква било надомест и за бесплатно да го добијам подарокот на вечен живот - и со тоа да можам вечно да бидам на Небесата по смртта.
Ти благодарам што ја чу мојата молитва и одговори на неа! Во името на Исус, амин.
---
Од „Daily Encounter“ на Ричард Инис. Авторските и сите други права припаѓаат на ACTS International. Преземено и обработено со дозвола.
Copyright by ACTS International. Used by permission.
