Со тоа сакаме да избегнеме да не ни се префрли заради овој штедар дар со кој располагаме. Зашто, ние се грижиме за она што е чесно не само пред Господ, туку и пред луѓето. (2 Коринќаните 8:20-21 - Стандарден Превод)
Едно мало момче му се пожалило на татка си дека најголемиот дел од црковните песни му се здодевни - премногу застарени, со заморни мелодии и безначајни зборови. Татко му веднаш ставил крај на дискусијата, велејќи му: „Ако мислиш дека можеш да напишеш поубави песни, зошто не го сториш тоа?“.
Момчето веднаш заминало во својата соба и ја напишало својата прва црковна песна. Годината била 1690. Името на момчето Ајзак (Исак) Вотс. Познатите „Кога го гледам Твојот крст“ и „Радост за цел свет“ се само дел од повеќе од 350 црковни песни коишто тој подоцна ги напишал.
Здодевно Ви е? Тогаш дајте му на светот повод да Ве памти барем 300 години.
Конструктивната критика е в ред - под услов да сме подготвени да сториме нешто да го поправиме она за коешто имаме критика, а не само да бидеме негативни и така да го распламтиме проблемот.
Молитва којашто сега би можел/а да Му ја упатиш на Бог:
Драг Боже, Те молам избави ме од негативен критички став, од постојано барање на грешки и слабости во она што го прават другите. Но, ако здогледам потреба за исправање во некоја област, помогни ми критиката којашто би ја дал да биде конструктивна и помогни ми да бидам подготвен да сторам сѐ што можам за да го исправам тоа што треба да се исправи.
Ти благодарам што ја чу мојата молитва и одговори на неа! Во името на Исус, амин.
---
Од „Daily Encounter“ на Ричард Инис. Авторските и сите други права припаѓаат на ACTS International. Преземено и обработено со дозвола.
Copyright by ACTS International. Used by permission.
