Никакво искушение не ве наваса, освен човечкото. А Бог е верен и не ќе дозволи да бидете искушувани над вашите сили, туку заедно со искушението ќе ви даде и излез, за да можете да го издржите. (Апостол Павле; 1 Кор. 10:13 - Стандарден Превод)
Нелсон Сирси раскажува за студија којашто требало да утврди кој сладолед има најубав вкус. Членовите на групата вклучена во истражувањето со врзани очи требало да пробаат најразлични сладоледи од ванила - квалитетни купечки сладоледи, врвни гурмански сладоледи, домашни сладоледи, ефтини купечки сладоледи... сосе сето она што доаѓа помеѓу нив...
„Истражувањето покажало дека добриот вкус не зависи од тоа дали станува збор за гурмански сладолед, купечки сладолед или домашен сладолед. Решавачки фактор била содржината на масти во сладоледот. Со други зборови, колку повеќе масти имало во сладоледот, толку повеќе им се допаѓал на луѓето.
Нели е тоа една од ирониите на животот? Зошто не може прженото пилешко, кое, патем, ми е едно од омилените јадења, да биде исто толку здраво колку и јаболката? Никогаш не сум слушнал некој лекар да каже: `Пржено пилешко батаче на ден и и без лекар си безбеден! Причината оти не нѐ советуваат така е тоа што ако јадеш пржено пилешко секое утро за појадок, докторот ќе треба да ти биде многу блиску, бидејќи холестеролот ќе ти вивне до небо. Така што јас ќе посветам на јаболките“. (Nelson Searcy. Source KneEmail, kneemail-subscribe@welovegod.org.)
А кој не сака убав сладолед со масти? Како деца, ние дури стававме шлаг крем врз сладоледот. Њам-њам! Немавме поим колку нездраво е тоа.
И искушението може да има многу силна привлечност. Може да изгледа блескаво и на прво гледање многу примамливо - но на долг рок донесува смртоносни ефекти. Тоа ме потсетува на една крајно убава риба којашто живее во Големиот корален гребен до Австралија. Таа е многу малечка, ама нејзиното боцнување е неверојатно болно. Затоа треба по секоја цена да ја избегнувате.
Исто е и со гревот. Без разлика колку ни изгледа привлечен, на крајот носи смрт, па мора по секоја цена да го избегнуваме.
Како што вели Сирси: „Кога ќе попуштиме на искушението, гарантирано ќе зажалиме поради тоа, бидејќи всушност, постапувајќи така, сме се лишиле од нешто поголемо само поради итното задоволување на желбата сега“. (Nelson Searcy. Source KneEmail, kneemail-subscribe@welovegod.org.)
Молитва којашто сега би можел/а да Му ја упатиш на Бог:
Драг Боже, Те молам помагај ми да не заборавам дека иако искушението може да биде многу привлечно, гревот секогаш наплаќа уништувачка дивиденда. Те молам, преку Твојот Дух, дај ми сила да ги избегнувам мамките на Лукавиот, како и разумност секогаш да зависам од Тебе и да се потпирам на Тебе, и да не се обидувам да се борам со сопствени сили.
Ти благодарам што ја чу мојата молитва и одговори на неа! Во името на Исус, амин.
---
Од „Daily Encounter“ на Ричард Инис. Авторските и сите други права припаѓаат на ACTS International. Преземено и обработено со дозвола.
Copyright by ACTS International. Used by permission.
