Неговиот господар му рече: `Арно сторено, добар и верен слуго! Над малку беше верен, ќе те поставам над многу; влези во радоста на својот господар!` (Матеј 25:21 - Стандарден Превод)
По 40 години работа како мисионер во Африка, Хенри К. Морисон се разболел и морал да се врати во Америка. Кога големиот прекуокеански патнички брод се вкотвувал, на њујоршкото пристаниште се собрала голема толпа за да му посака добредојде на друг патник на тој брод. Морисон набљудувал како претседателот Теодор Рузвелт добива велелепен пречек после неговото сафари во Африка.
Хенри Морисон тогаш го спопаднала огорченост и со гнев му се обратил на Бог: „Си доаѓам дома после толку многу години служење на црквата, а нема ниту еден - ниту еден - да ми посака добредојде“.
Потоа Морисон слушнал тивок глас како му вели: „Уште не си дома!“ (Брет Блер, www.sermons.com).
Молитва којашто сега би можел/а да Му ја упатиш на Бог:
Драг Боже, помогни ми да помнам, додека се трудам со Твоја помош да го живеам животот и да Ти служам верно, дека вистинската моја награда го чека моето враќање дома, кога ќе пристигнам за да бидам вечно со Тебе на небесата.
Ти благодарам што ја чу мојата молитва и одговори на неа! Во името на Исус, амин.
---
Од „Daily Encounter“ на Ричард Инис. Авторските и сите други права припаѓаат на ACTS International. Преземено и обработено со дозвола.
Copyright by ACTS International. Used by permission.
