Зашто самите вие добро знаете дека Господовиот Ден ќе дојде како крадец во ноќ. Кога ќе велат „мир и безбедност“, тогаш ненадејно ќе падне погибел врз нив, како породилни маки врз бремена жена, и не ќе можат да избегаат. (Апостол Павле; 1 Солунците 5:2-3 - Стандарден Превод)
Во едно издание неодамна се појави следнава неверојатна статистика: од почетокот на забележаната историја, целиот свет бил во мир помалку од осум отсто од времето! Низ сопствена студија, периодичното списание Personnel Journal открило дека во 3.530 години од документираната историја, само 286 години минале во мир. Покрај тоа, досега биле склучени - и прекршени - повеќе од 8.000 мировни спогодби! (Today In The Word, June 1988, страница 33; Moody Bible Institute).
Прочитав некаде дека една од најбрзорастечките религии денес е исламот. Муслиманите би сакале да веруваме дека нивната религија е религија на мирот, а во исто време нивните радикали се впуштаат во кампањи на колежи во различни делови на светот.
Ова што ќе го кажам не е во рамките на политичката коректност, но реалноста е дека светот денес не е во судир на културите на исламот и на Западот, туку во верска војна во којашто напаѓачите не носат униформи, се кријат зад невини цивили, вклучувајќи тука деца, и ги користат нашите слободи за да доживеат експанзија, и, на крајот, да не` убијат или да не` потчинат на строгата контрола на нивните легалистички религиозни закони - а во исто време, правејќи го тоа, да ни ја одземат нашата слобода! Со други зборови, ја користат нашата слобода за да ја одземат нашата слобода.
Се сеќавам што еднаш ми рече еден мој стар пријател - пастор за знаците што ќе претходат на Второто Христово доаѓање на Земјата, коишто Исус и Библијата ги претскажале. Тој рече дека тие знаци всушност биле присутни уште од времето кога Христос чекорел по земјата, но дека денес тие знаци се собрани на куп!
Исус се враќа на Земјата. Тоа е исто толку сигурно колку и Неговото прво доаѓање пред 2.000 години. Што ако Тој се врати денеска? Ќе бидеш ли подготвен да Го пречекаш? Или пак ќе бидеш оставен? Начинот да бидеш сигурен дека Исус ќе те земе со своите е да Му ги предадеш својот живот, своето срце, својата волја, во покајничка молитва.
Молитва којашто сега би можел/а да Му ја упатиш на Бог:
Драг Боже, Ти благодарам што си ни ветил во Твојот Збор, во Библијата, дека Исус ќе се врати за да ги однесе на Небесата сите свои вистински следбеници. Те молам помогни ми да сторам се` за да бидам подготвен за Неговото враќање, коешто би можело да се случи многу наскоро.
Ти благодарам што ја чу мојата молитва и одговори на неа! Во името на Исус, амин.
---
Од „Daily Encounter“ на Ричард Инис. Авторските и сите други права припаѓаат на ACTS International. Преземено и обработено со дозвола.
Copyright by ACTS International. Used by permission.
